Киргизско-русский словарь Юдахина
1. сев. лит. (ср. торпок) телёнок-сосунок;
2. сев. телёнок оленя в возрасте года;
3. южн. один из терминов игры "в галечки", "в камушки": камешек, который лежит на полу, нужно подхватить и подбросить;
музоо кирпик длинные и красивые ресницы (гл. обр. у молодой женщины, у детей, иногда у юноши);
Кошоктолуу кош музоо (в народной астрономии) название созвездия;
музоо тиш өрүлгөн камчы плеть, сплетённая особым узором;
музоосунда сүздүргөн он с детства забит, запуган;
музоо баш (или музообаш)
1) медведка;
2) фаланга.

Толковый словарь кыргызского языка. 2015
Жаш кезинен, башынан эле моюн сунуп, баш ийип калуу, коркуп жалтак болуп калуу, бел алдырып коюу. Бардыгы тең музоосунда сүздүргөн акмактар да (Жантөшев). Музоосунда сүздүрүп койгон эл колун куушуруп, коюн жетелеп, алдынан тосуп чыкты («Ак Мөөр»). Музоосунда сүздүргөн шоркелдейлер да (Бейшеналиев).

Фразеологический словарь кыргызского языка (2015)
Жаш кезинен, башынан эле моюн сунуп, баш ийип калуу, коркуп жалтак болуп калуу, бел аддырып коюу. Бардыгы тең музоосунда сүздүргөн акмактар да (Жантөшев). Музоосунда сүздүрүп койгон эл колун куушуруп, коюн жетелеп, алдынан тосуп чыкты («Ак Мөөр»). Музоосунда сүздүргөн шоркедейлер да (Бейшеналиев).

Толковый словарь кыргызского ремесленничества (Кыргыздын кол өнөрчүлүгү) А. Акматалиева
Ат жабдыктарын узанууда татаал өрүмдөрдүн бир түрү. Жортуулга камчылана турган камчылардын түшкүнү сокмоктуу болгон. Түшкүндүн сабын чеберлер күздө кыйылган тобулгу (табылгы) же ыргайдан сапташкан. Камчы түшкүнүн көбүнчө жылкынын, торпоктун терисинен өрүшөт. Өрүм сегизден тартып, жыйырма талга дейре жуп сан менен өрүлөт. Өрүлүүчү көктүн талын күндүн табына кургаткандан кийин ашаткыга салып ийлейт. Күдөрү түрдө аябай ийленген аны жаага керилип коюлган жумуру өзөктүн үстүнөн өрө баштайт. Ал кадимки терме өрүмдөй бирдей терилип, бирден басылат. Натыйжада көгү жоон тилинет. Өрүмү жыш түшүп, музоонун тишиндей төрт чарчы көрүнөт.
      «Музоо тиштин» берки «суйсалма өрүмү», «жылан боор өрүмү» өңдүү татаал өрүмдөрдөн айырмасы байкалып турат. Мисалы, «суйсалма өрүмдө» бирден терилип, үчтөн басылса, «жылан боор өрүмдө» бирден терилип, экиден басылат. Демек, «музоо тиш» бирден басылып, бирден өрүлгөндүктөн учунан да, ортосунан да такыр жанбайт.
      Айрым өрүмчүлөр «музоо тиш өрүмүн» алты тал эле кайыштан өрүп берет. Ортосуна өзөк коюлуп, өрмөсү анча сыйда болбой, одуракай көрүнөт, өрүмдүн ыкмасы оңой келет. Анда алты тал үчтөн экиге бөлүнүп, өрүмү сол колдон бир талды алдыга коет да, оң колдогу көктү үстүнөн басат. Муну көк менен да чеберлер алты тал аркылуу өрө алат. «Музоо тиш өрүмүн» «торпок тиш» деп да атайбыз.