Толковый словарь кыргызского языка. 2015
1. Баамчыл, сезгич, кыраакы. Көзөмөл киши. Көзөмөл кары. 2. Көздөөчү, көз болуучу, көз салуучу. Көзөмөл болуп турган полицейский Нурматты бош отургуза койбойт (Абдукаримов). Антондун бүлөсүнө көзөмөл бол, Кокустан көтөрбөсүн колун эч ким! (Токомбаев).

Кыргызско-русский толковый словарь юридических терминов и понятий (2005)
КӨЗӨМӨЛГӨ АЛУУ – мыйзамдуулукту камсыз кылуу боюнча мамлекеттик органдардын ишмердүүлүгүнүн бир түрү. Ал өзара сот көзөмөлүнө алуу , конституциялык көзөмөлгө алуу (кара:Конституциялык көзөмөл), прокурордук көзөмөлгө алуу болуп бөлүнөт. Ага административдик көзөмөл түрлөрү да кирет. Автордук көзөмөлгө алуу анын өзгөчө түрү болуп саналат.

Кыргызско-русский толковый словарь юридических терминов и понятий (2005)
КӨЗӨМӨЛГӨ АЛУУ БАСКЫЧЫ – жергиликтүү соттордун мыйзамдуу күчүнө кирген сот актыларына карата сот жүрүм катышуучуларынын даттануусу менен сунушу боюнча иштерди карай турган КР Жогорку соттун президиуму менен сот коллегиялары.

Кыргызско-русский толковый словарь юридических терминов и понятий (2005)
КӨЗӨМӨЛГӨ АЛУУГА ӨТКӨРҮҮ – КР кылмыш-жаза мыйзамдарына ылайык, 18 жашка чыга элек, биринчи жолу чоң коркунуч келтирбеген кылмыштар жана анча оор эмес кылмыштар жасаган жактарга колдонулуучу тарбыя таасирин көрүүгө мажбурлоо чараларынын бири. Ал ата-энелерге же аларды алмаштыруучу жактарга, же болбосо эрезеге жетелек балдардын иши боюнча комиссияга эрезеге жетелек балага таасирдүү тарбия берүү жана анын жүрүм-турумуна көзөмөлдүк кылуу милдеттерин жүктөөдөн турат.

Кыргызско-русский толковый словарь юридических терминов и понятий (2005)
КӨЗӨМӨЛГӨ АЛУУ ӨНДҮРҮШҮ – КРде баштапкы, апелляциялык, кассациялык баскычтагы соттордун өзгөртүүсүз калтырылуу менен, жокко чыгарылуу менен же өзгөртүлүү менен мыйзамдуу күчүнө кирген чечимдерин, өкүмдөрүн, аныктамаларын жана токтомдорун кайра кароо тартиби.

Кыргызско-русский толковый словарь юридических терминов и понятий (2005)
КӨЗӨМӨЛГӨ АЛЫНУУЧУ ДАТТАНУУ – сот ишине катышып жаткан жактардын мыйзамдуу күчүнө кирген сот актыларынын үстүнөн сот коллегияларына жана КР Жогорку сотуна алып келип тапшырган даттануу арызы же сунушу.

Кыргызско-русский толковый словарь юридических терминов и понятий (2005)
КӨЗӨМӨЛДӨГҮ ЖЕТКИРИП БЕРҮҮ – мамлекеттик органдар тарабынан белгилүү товарлардын жана нерселердин, анын ичинде эркин сатылышына тыюу салынган же чектелген баңгизаттарынын жана психотроптук каражаттардын эларалык мыйзамсыз жүгүртүлүшүн болтурбоо боюнча колдонулуучу усулу. КР бажы органдары (ар бир жолу КР эларалык келишимдеринин негизинде же чет мамлекеттердин бажы жана башка компетенттүү органдары менен макулдашуу боюнча) К. ж. б. усулун колдонот, б. а. көрсөтүлгөн товарларды өзүнүн көзөмөлү алдында КРге ташып кирүүгө жана ташып чыгууга же өзүнүн аймагы аркылуу ташып өтүүгө мүмкүндүк берет. К. ж. б. усулун колдонуу тууралуу чечимди бажы органы кабыл алат. Ыкчам-иликтөө жумуштарын ишке ашыруучу башка органдар К. ж. б-нү бажы органдарынын макулдугу менен өзара макулдашуунун негизинде жүзөгө ашырат.

Кыргызско-русский толковый словарь юридических терминов и понятий (2005)
КӨЗӨМӨЛДӨГҮ ПРОДУКЦИЯ – КРдин Улуттук көзөмөлдөгү тизмесине кирген жана жапырт кыргын салуучу куралдарды чыгарууда, аларды ташып жеткирүү каражаттарын, аскер техникаларын жана башка куралжарактарды жасоодо пайдаланылышы мүмкүн болгон интеллектуалдык ишмердиктин натыйжалары жана кош багыттагы продукциялар, жумуштар жана кызмат көрсөтүүлөр, илимий-техникалык маалыматтар, жабдуулар жана технологиялар, чийки заттардын жана материалдардын түрлөрү.

Кыргызско-русский толковый словарь юридических терминов и понятий (2005)
КӨЗӨМӨЛСҮЗ КАЛГАН БАЛА – ата-энеси же мыйзамдуу өкүлдөр, болбосо кызмат адамдары тарабынан аны багып-өстүрүү, тарбиялоо жана билим берүү боюнча милдеттер орундалбагандыгынын же ойдогудай аткарылбагандыгынын натыйжасында жүрүм-туруму кароосуз болуп калган жашы жетелек бала.