АЙЫК

Сакаюу, оорудан сакаюу, оңолуу; илдет кетип, ден соолуктун жакшырган абалы. Ооруну сураса, айыкканга тете (макал). Айыгасың, семиресиң, күч аласың, ал жерде жайдын күнү бир ай жатсаң (Шүкүрбеков). Аз күндө айыгып бул жараат Калыбыма келермин («Эр Табылды»). Эшен, кожо чогулуп Дем салган менен айыкпайт (Барпы). Кабар күтүп, айыгат деп кубанып, Тилек кылып, Кудай-таалам суранып (Акматалиев).