Энциклопедия "Манас". ч.1.
КОЙЧАГЫР (моңголчо цагиур — милте) — эпосто колдонулган эски мылтыктын аты. Төө мылтык, жазайыл, бараң сыяктуу мылтыктардын катарында айтылат: «Жазайыл үнү жаңырып, Койчагыр үнү жаңырып» (Сагымбай Орозбаков, 2. 139, 140). К. Мылтык.

Толковый словарь кыргызского языка. 2015
Эпостук чыгармаларда кездешүүчү эски мылтыктын түрү. Алма баштуу койчагыр, Карсылдатып койгулап («Манас»). Ошондо Эликбай мерген койчагары менен бир куланды бутка атып аксатып, Шааболот бек өзүнүн Көкчолок дулдулу менен кууп жетип, сыйыртмак салып муунтуп, кулактан кармап мойнун толгоп жыккан. (Абакиров).