Мында фарсы жана арап тилдеринен келген эки сөздүн биригиши менен башка маанидеги кош сөз пайда болгон: «пер. йек – «бир» + ар. жихат – «тарап» = бир тарап: тууган, куда-сөөк, жээн-тайке, кайын журт (Малаев 2011:68).

Куда-сөөк, таяке-жээн сыяктуу тууган-туушкан адамдар. Кошой менен жек-жаат болуп калышы – Калтабайдын күтпөгөн таалайы (Токомбаев). Кайын энеси жек-жаатына айылчылап кетип, үйдө Жийдегүл калды (Сасыкбаев).