Кыргызско-русский толковый словарь юридических терминов и понятий (2005)
БААРАКЫ АКТИВДЕРИ – пенсиялык салымдардан жана бааракы эсебинде эске алынуу менен жайгаштырылган киреше бөлүктөрүнөн түзүлүүчү кордун акча активдеринин (акча каражаттарынын) таризи.

Кыргызско-русский толковый словарь юридических терминов и понятий (2005)
БААРАКЫ КАМСЫЗ КЫЛУУСУ – мыйзамда каралган учурларда мамлекет же дагы башка субъектер тарабынан жарандарды материалдык жактан (акча жагынан) камсыздоо таризи. КР укугу боюнча Б. к.боюнча негиздер: тийешелүү курак, майыптык, багуучусунун өлүмү (анын эмгекке жарамсыз үйбүлө мүчөлөрү үчүн), белгилүү бир иш-аракетти узак мезгил бою аткаруу.

Кыргызско-русский толковый словарь юридических терминов и понятий (2005)
БААРАКЫ КЕЛИШИМИ – салуучу бааракы аманатын салууга, ал эми фонд болсо мамлекеттик эмес бааракы алуучуга тандап алынган бааракы тартибине ылайык төлөп берүүгө милдеттенген, фонд менен салуучунун ортосунда алуучунун пайдасы үчүн түзүлгөн макулдашуу.

Кыргызско-русский толковый словарь юридических терминов и понятий (2005)
БААРАКЫ (ПЕНСИЯ) (лат. pensio – төлөм) – мыйзамдарда каралган учурларда (жаш курагы жеткенде, майып болгондо, багуучусун жоготкондо, иштеген жылы жана мамлекетке өзгөчө эмгек сиңиргенде) мамлекет же анын субъектиси тарабынан өмүр бою акча төгүмүнүн туруктуу төлөнүүсү, социалдык жактан камсыздоонун бир таризи болуп саналат. Ал мамлекеттик жана мамлекеттик эмес Б. болуп бөлүнөт (кара:Мамлекеттик бааракы,Мамлекеттик эмес бааракы).

Кыргызско-русский толковый словарь юридических терминов и понятий (2005)
БААРАКЫ ТОПТОМУ – бааракы алуучунун эсебинде жыйналган бааракы салымдары менен инвестициялык кирешелердин жалпы өлчөмү, бааракы алуучунун алдындагы акчалай кор милдеттенмесинин көлөмү.