Энциклопедия "Манас". ч.1.
МАНАСИЯ — топоним. Сейфад-Дин Аксыкентинин «Мажму ат-таварих» эмгеги боюнча Алтын-Ордонун 14-кылымдын аяк чениндеги каны Токтомуш Манас баатыр үчүн курдурган шаар. «Манас» эпосунун кийинки кездерде жазылып алынган варианттарында да М. шаары Манаска арналып салынганы айтылат. Географиялык реалияда Чыгыш Теңир-Тоонун түндүгүндө М. аттуу шаар жана дарыя бар.