bala-çaka
çoluk çocuk

Түркмөн тилинде чага деген сөз «бала» деген маанини билдирет. Кыргыз тилинин түштүк диалектисинде жана Талас говорунда эмчектеги бала «чакалак» деп аталат жана сөздүктө эмнегедир иранизм катары белгиленип калган (Юдахин 1965:836). Түштүк диалектиде сейрек учурларда чака деп да колдонулат: отуруп алса бакадай, сүйлөп калса чакадай (Мукамбаев 2009:1013).

Үй-бүлөдөгү балдар, бала-бакыра. Бала-чакаң жаш калды, Баркыңды санап куурадым (Тоголок Молдо). Бала-чака коркпосун, Бакырыкты ташта дейт («Семетей»).

Балдары көп, жаш балдарлуу. Тоймат бала-чакалуу орто чарба адам (Каимов). үй-жай куруп, бала-чакалуу болушуп өмүр сүрүшөт (Жантөшев).