ҮРТҮК

Жасалгаланган, кооздолгон ат жабуу. Үртүк, адатта, аттын соорусуна жабылуучу ат жабуу эмес, атка толук кийгизилген кооз жабуу катары түшүнүлөт. Кээде үртүк маанисинде минген аттын көкүлүнө, чокусуна тагылган, сайылып коюлган үкүнүн жүнү – канаты да айтыла берет. Абайы үртүк, ат жабдык («Манас» С. О.). Аттарынын баарысы, Үртүк менен жабылуу Күмүш эшик, жез үртүк, Бул калаа кандын коргону («Курманбек»).