Краткий этимологический словарь кыргызского языка
«Кооздоп жасалган ат жабуу» маанисин билдирген үртүк сөзү үрт+үк бөлүктөрүнөн турат. Мунун үрт уңгусу азыркы кыргыз тилинде унутулуп калган. Ал сөз башка түрк тилдеринде «жап» маанисинде азыр да айтылат. Мисалы: турцияча өрт, татарча өрт, азербайжанча өрт, караимче өрт, чувашча вит, түркмөнчө өрт. Үрт уңгусуна этиштен зат атооч жасоочу -ык мүчөсү уланып, үртүк сөзү келип чыккан. Бул сөз «жап» деген сөздөн жабык сөзү жаралганга абдан окшоп кетет. Бирок «жапкыч, жабуу» маанисинде колдонулуп калган.