УЧКАШ

Мурда учкаш сөзү унаага (ат, өгүз, төө, эшек) минүүгө карата айтылса, азыр ал сөз транспортко (велосипед, мотоцикл) карата да айтыла тургап болду. Мына ушул учкаш сөзү учка+ш бөлүктөрүнөн турат. Мунун учка уңгусу – азыркы уча сөзүнүн бир варианты. Махмуд Кашгаринин «Диванында» азыркы учук (оозго чыккан учук) деген сөз учгук түрүндө айтылган. Дал ушул сыяктуу болуп уча сөзү да учка болуп, к тыбышы кошулуп айтылган варианты да байыркы кезде колдонулган болуу керек. Учкашкан киши ээрге минген кишинин артына, унаанын учасынын үстүнө отурат. Ушундан улам учкаш сөзү келип чыккан.