Фразеологический словарь кыргызского языка (2015)
Катуу корккондо, тан калганда же ачуусу келгеңде көзү чоң ачылып бакырая түшүү, акырая кароо. Үрөйү учуп, көзү чанагынан чыгып, баш калка издеп далбас урган жигитти бүт денеси менен калкалап, көкүрөк тоскон аял... (Кушубеков). Карасакалдын көзү чанагынан чыгып, тиштери кычырап кетти (Абдыраманов). Бетинен каны качып, көздөрү чанагынан чыгып, Белек ачуулуу чыга калганда алар чочуп кетишти (Жантөшев). Отургандар селейе катты, көздөрү чанагынан чыкты (Айтматов).