Т. Абдиев. "Сөз башат". Этимологические этюды
Мындагы кече компоненти байыркы түрк тилинде «кийиз» маанисинде колдонулган (ДТС 1969:291) жана түрк тилдеринин огуз тобундагы тилдерде, мисалы, түрк тилинде азыр да өз алдынча колдонулуп, «кийиз» деген маанини билдирет. Байыркы мезгилдерден бери колдонулуп келе жаткан бул сөздүн этимологиясы али так эмес (ЭСТЯ 1980:60). Бул компонент кыргыз тилиндеги бир нече кош сөздөрдүн курамынан кездешип, төмөнкүдөй маанилерди билдирет: кийим-кече всякая одежда, одежонка (гл. обр. верхняя); көйнөк-кече одежда (не верхняя; напр. кальсоны, панталоны рубаха, женское платье); куржун-кечелер всякого рода дорожные сумки; перемётная сума с содержимым); сандык-кече сундуки и прочее; кап-кече разного рода мешки и тому подобное; кийиз-кече всякого рода кошмы; азык-кече провиант, съестные припасы (Юдахин 1965). Сыягы, кече деген сөз менен кийизден жасалган бардык буюмдар туюнтула берсе керек.