Фразеологический словарь кыргызского языка (2015)
Ак көңүл куулук-шумдукту билбеген, кишиге жамандык ойлобогон, ою түз. Ичинде кири жок ала көөдөн Жамалкан өзүнүн сөзүнө өзү каткырып күлдү (Абдукаримов). Мээнетсиз тиричиликти билбеген, тырнактай ичинде кири жок (Абакиров). Ушу карапайым шахтер, ичинде кири жок, көңүлү таза шахтер (Абдукаимов). Ак көңүл, аңгөдөк, даңкылдаган, ичинде кири жок, бала кыял күйөөсү тууралуу Жаңыл биринчи жолу ой чуркатып, оозунан биринчи жолу чыккан сөзү ушул болду (Медетов).