Толковый словарь кыргызского языка. 2015
Адамдын жашоосу, өмүрү, көрөр күнү. Маани жайын байкасам, Ичер суум куруптур («Мендирман»). Менин дагы ичер суум бар экен (Осмоналиев). Тайбаскул чунактын дагы көрөр күнү, ичер суусу бар экен (Осмоналиев). Балам, сен капа болбо, атаңдын ичер суусу бар экен («Ала-Тоо»). Аттиң, кайран жигиттин ичер суусу аз экен («Ленинчил жаш»). «Ичер суум бар окшойт?!» деп тирүү калышына ишеним сызылып келип, эти ысып кетти (Касымбеков). В.: Ичер суусу, көрөр күнү. Баарыбызды ыйлатып, баарыбызды сыздатып кетти. Ичер суусу, көрөр күнү алдыда эле (Мырзаев). Дагы биртике ичер суусу, көрөр күнү бар экен, шордуунун («Кыргызстан маданияты»).