Толковый словарь кыргызского языка. 2015
Бир нерсеге жарай турган, жөндөмдүү, тың, бышык, колунан бир нерсе келе турган. Алардын ичинде бычакка сап болгудай эч кимиси жок экен (Көчкөнов). – Аке, элде кандай жигиттер бар? Бир бычакка сап болчудайы чыга турганбы? – деп сурады Мусулманкул (Касымбеков). В.: Бычакка саптык. Бычакка саптык уулум жок, Кайгырып жашым төгүлдү («Эр Табылды»). Баатырдын тукумунан бычакка саптык бир бала чыкпайбы? (Сыдыкбеков). Камчыга саптык. Ымтыраган иттер, камчыга саптык бири жок! – деп корбашы каарданып жатты («Ала-Тоо»).