АЙДООЧУ

1. Байгеге кошулган аттарды жерине чейин алып барып коё берүүчү адам. Ат айдоочу камдатып, Атты айдатты чаңдатып (Тоголок Молдо). 2. Арабага, сокого ж.б. чегилген атты башкарып айдап жүрүүчү адам. Ушул шахтада ат айдоочу болуп көп жыл иштегенмин (Сасыкбаев). 3. Транспортту (автомашина, самолёт ж.б.) же кыймылга келип, ордунан жылуучу техниканын түрлөрүн айдап башкарган, жүргүзгөн адам. Чөнтөгүндө айдоочунун күбөлүгү жок болуп чыкты (Макенбаев). Айдоочунун жанында отурган тибеттик жигит артка кылчайды (Акматов). Машина айдоочу. Кеме айдоочу. Колхоздун механик-айдоочусу. 4. Тоонун мергендерге кийикти чубатып берүүчү табигый ыңгайлуу жери. Айдоочуда аңдып жатканы дагы бирин атып алды (Жантөшев).