АКЫЛ

1. Адамдын ойлоо жөндөмдүүлүгү, эс. Асыл таштан чыгат, акыл баштан чыгат (макал). Акыл – тозбогон тон, билим – түгөнбөгөн кен (макал). 2. Кандайдыр бир иштин чечилиш жолу, амалы, ыгы же ушундай максатта бирөөгө айтылган кеңеш, ой-пикир. Кошой аба, акыл тап, Ашын кандай беребиз («Манас»). Акыл ойлоп шашпады Алдоонун кебин баштады (Тоголок Молдо). Бул дурус акыл, – деди Насир (Жантөшев). Буга сиз кандай акыл кошор элеңиз («Чалкан»).