Киргизско-русский словарь Юдахина
айлык I
1. месячный срок;
айлык азык провизия на один месяц;
он айлык тапшырма десятимесячное задание;
2. месячник;
сугаттын жаңы системасына өтүү боюнча айлык месячник по переходу на новую систему орошения;
3. оклад, зарплата (месячная).
айлык- II
южн.
то же, что айык- II.

Толковый словарь кыргызского языка (1969)
зат. 1. Бир айда ала турган кызмат акы. Айлык алган күн.
2. Кандайдыр бир коомдук кампания өткөрүлүүчү бир ай убакыт, 30 же 31 күндүк убакыт. Достуктун айлыгы. Бир айлык отпуск. Айлык норма. Айлык азык.

Толковый словарь кыргызского языка. 2015
1. Аткарылган иши үчүн ай сайын алып туруучу эмгек акы. Сиз айлык аласыз, мен окуп жатам (Таштемиров). Айлыгынан тышкары, Жаңы кийим көп берди (Осмонкул). Сурабаңыз, артып калат айлыгым (Токомбаев). 2. Ай бою аткарыла турган, аткарылууга тийиш болгон. Күндүк, айлык нормаларын, Беш мертебе ашырган (Бөкөнбаев). Айдай жүзү абийир тапкан абам бар, Айлык иши жылдык ишке барабар (Нуркамал). 3. Бир же бир нече айды ичине алган мөөнөткө туура келген, ошондой мөөнөткө ылайыкталган мезгил өлчөмү. Бир айлык отпуск. Кыргыз китептеринин айлыгы. Достуктун айлыгы. Аялды жаңы алдым эле, үч айлык боюнда калды (Жакыпбеков).

Кыргызско-русский толковый словарь юридических терминов и понятий (2005)
АЙЛЫК АКЫДАН КАРМАП КАЛУУ – эмгек укугу боюнча администрациянын тескемеси менен мыйзамда каралган учурларда гана жүргүзүлөт, (м.: айлык акынын эсебинен берилген насыя акчаны кайтаруу үчүн; эсептөөдөн кеткен жаңылыштыктардан улам ашыкча берилген сумманы кайтаруу үчүн; жумушчунун күнөөсү менен тарткан зыяндын ордун толтуруу үчүн). Ар айлык эмгек акы берген сайын кармап калуунун өлчөмү 20 пайыздан, ал эми мыйзамда өзгөчө каралган учурларда же бирнече аткаруучу документтер боюнча кармоодо айлык акынын 50 пайызынан ашуусу мүмкүн эмес.

Кыргызско-русский толковый словарь юридических терминов и понятий (2005)
АЙЛЫК АКЫ (тарифтик чен) – бир мезгил аралыгында, белгилүү татаалдыктагы (адистиктеги) эмгек ченемдерин (эмгек милдеттерин) аткаргандыгы үчүн кызматкерге төлөнүүчү эмгек акынын белгиленген көлөмү.