Киргизско-русский словарь Юдахина
волк (в именах личных и в качестве положительного эпитета не встречается; ср. бөрү);
миң койлууга карышкыр чапса, бир койлуу бычак алып чуркаптыр погов. на (стадо) владельца тысячи овец волк напал, а владелец одной овцы с ножом побежал (полагая, что его овцу задрал волк);
малдын ээси болсо, карышкырдын кудайы бар погов. если у скота есть хозяин, то у волка есть бог;
карышкыр ичик волчья шуба;
карышкыр-марышкыр всякие там волки и им подобные;
карышкыр сот ист. осуждение на административную высылку по "волчьему паспорту", "волчьему билету" (букв. волчий суд);
карышкыр сот кескен осуждён на высылку по "волчьему паспорту";
карышкыр соттун убагында в царские времена (букв. во время волчьего суда).

Толковый словарь кыргызского языка (1969)
зат. 1. Итке окшош келген жырткыч, бөрү. Карышкыр тийди кой короого, Түн жарымы болгондо (Борбугулов).
2. өт. Зулум, алдым-жуттум, шылуун, жегич. Катылган карышкырдын көзүн ойсок (Барпы).
¨ Карышкырга кой кайтартуу — алдым-жуттумдарга, жегичтерге, шылуундарга жол берүү, иш берүү, ишке коюу. Биз көп учурда өзүбүз байкабайбыз. Карышкырга кой кайтартып койдук (Байтемиров).

Краткий этимологический словарь кыргызского языка
Жырткыч айбанды каргоо иретинде ат койгонун сөздүн өзү эле айтып турат. Элдин айтымында кээде карышкыр ачкалыктанбы же нервдерине күч келгендиктенби, айтор, койду качырган менен, өлтүрө албай калган учуру болот. Андай учурда оозу карышып калат дешет. Ошентип, «карышып калсын» деген тилек менен бөрү деген атын айтпастан, карышкыр деп атоодон улам азыр кеңири колдонгон аты келип чыккан.

Толковый словарь кыргызского языка. 2015
1. Бөрү, ит түспөлдөш келген жырткыч, иттин эзелки тукуму. Койго карышкыр тийип, бир четинен бөлө качканы жаман (Жантөшев). Кабылан, жолборс карышкыр, Азуусу бар айбандар (Тоголок Молдо). 2. Ушул айбандын терисинен жасалган кийим. Суукта жүрүп, бая келер замат Барпы Асанбайга карышкыр ичигин жаба салган (Байтемиров). 3. өт. Алдым-жуттумдугу бар, элди эзген зулум, шылуун, жегич. Кой терисин жамынган карышкыр (Жантөшев). Катылган карышкырдын көзүн ойсок (Барпы). Бул иште карышкыр болуп калышкан тура.

Толковый словарь кыргызского языка. 2015
Алдым-жуттумдарга, шылуундарга жол берүү, аларга ишеним кылып, мүмкүнчүлүк, шарт түзүп берүү. Кыскасы, карышкырга кой кайтартыптырбыз дечи. Биз көп учурда өзүбүз байкабайбыз. Карышкырга кой кайтартып койдук дейт Татыбек (Байтемиров).

Фразеологический словарь кыргызского языка (2015)
Алдым -жуттумдарга, шылуундарга жол берүү, аларга ишеним кылып, мүмкүнчүлүк, шарт түзүп берүү. Кыскасы, карышкырга кой кайтартыптырбыз дечи («Советтик Кыргызстан ). Биз көп учурда өзүбүз байкабайбыз. Карышкырга кой кайтартып койдук (Байтемиров). Карышкырга кой кайтартып койдук дейт Татыбек (Байтемиров).