1. Бир нерсени байлоого, таңууга, байлап бекитүүгө керектелген жип, тасма жана башка нерсе. Дагдаңдап бул катарда Келгенбай бар, Боо чечип, үзүк сыйрып, жүгүн таңган (Бөкөнбаев). Лыжаларды майлайлы. Боосун бекем байлайлы (Осмонкул). 2. Эгиндин, чөптүн ж.б. бир байламы, бир таңгагы. Аңыздагы боолор жуушаган койдой калың. (Сыдыкбеков). Жүр, үч боо камыш сурап келели (Касымбеков).

диал. Буга деген барыш жөндөмөдөгү ат атооч сөздүн диалектилик формасы. Тек, кемпиржан, боо сен не айтар элең? (Сыдыкбеков). Бу чын жаралган Күлчоро, Боо чымчышкан адам оңобу («Сейтек»).