1. Ооздон аба агымын сыртка катуу күч менен чыгаруу. Уйкананын каалгасы сынып калыптыр, – деди Шабыраалы үшүгөн колун үйлөй берип (Байтемиров). От үйлө. Үйлөбөңүз сезимимдин жарыгын, Үзгүм келбейт махабаттын тамырын (Акматалиев). 2. Ичине толтуруу. Музоолору чандаят, Үйлөп койгон тулуптай (Үмөталиев). Үйлөгөн шардай.

Турмуш курдуруу, аял алып берүү. Үй-бүлө күтүп, үй-жай куруу. Көрөм десең урматын, Уул үйлөп, кыз чыгар! (Токтогул).