Толковый словарь кыргызского языка (1969)
чала-чарпы, чала-чарпыт, чала-моңол же чала-бучук — толук эмес, анча-мынча, аягына чейин эмес, үстүртөн. Мен.. чала-була шам-шум этип, мектепке чуркадым («Ала-Тоо»). Түшүндүрөйүн деген оюмду чала-чарпы айттым (Жантөшев). Эргеш гана чала-моңол кат тааныйт (Жантөшев). Чала жан — араң эле жаны бар, өтө алсыз, чала өлүк. Алымкулду аябай сабап, чала жан болгон кезде короосунан сүйрөтүп барып таштады (Абдукаримов). Чала кайым —чалагайым менен бирдей.

Толковый словарь кыргызского языка. 2015
Толук эмес, анча-мынча, аягына чейин эмес, үстүртөн. Мен чала-була шам-шум этип, мектепке чуркадым («Ала-Тоо»). В.: Чала-бучук. Жеңеси аркылуу кыз менен чала-бучук сөз илештирген жагдайым бар (Бейшеналиев). Көчөр, Сатарлар чала-бучук тааныш болуп калган жолдоштор менен да коштошушпады («Ала-Тоо»).