1. Курулуштардын, имараттардын үстүнкү бөлүгү. Жамгырдан үйдүн чатыры дабырап турду (Сыдыкбеков). 2. Таардан, калың матадан ж. б. жасалып, төрт бурчунан керип коюлуучу, көбүнчө жайында колдонула турган жеңил үй. Жайкы күн... эрке Ысык-Көл толкуп жатыр, Боюна жоокерлер тиккен чатыр (Маликов).

Кандайдыр бир нерсе сынып, жарылып же от чартылдап күйүп бараткандагыдай чыккан үндү же дабышты билдирүү же ошого салыштыра көрсөтүү үчүн колдонулат. Чатыр-чатыр чатырады, Жалпы күйүп жан-жагы (Бөкөнбаев). Согуш кабары, чатыр этип асманды тең жарып өткөн чагылгандай тараган (Сыдыкбеков).