1. Боз үйдүн төбөсүндөгү ууктун учтары киргизилип тиреп туруучу тегерек жыгач. Түндүгүнө уук саюу. Түндүк жасаган уста. 2. Боз үйдүн ушул бөлүгүнө жабылуучу кийиз жабуу. Чырак эшикке чыгып, боз үйдүн түндүгүн тартып келди («Жомоктор»). Тартылуу түндүк ак үйгө, Талыкшып уктап жатуучу (Казыбек).

Бир түн убактысына туура келген. Бир түндүк жол. Эки түндүк иш.

Жер шарынын төрт тарабынын бир жагы, түштүк тараптын карама-каршы жагы. Түндүк, түштүк, батыш, чыгыш жагында, Асман тиреп, Ала-Тоолор заңкайган (Калык). Түндүк-чыгыш. Түндүк-батыш.

Жипке тизилген шурунун узундук чени, өлчөмү. Бир түндүк шуру. Эки түндүк шуру. Үч түндүк шуру.