1. Жүгөндүн ооздук темирине төңөлүк аркылуу тизгин, чылбырдын туташтырылган бөлүгү. Аттар ооздугун кемирип, суулугун шылдырата берет (Сыдыкбеков). Жакып тор кашканы кош суулуктан алып, кыймылдатпай кармап турду (Шүкүрбеков). 2. диал. Ооздук. Табына келген буудандар Суулугун чайнап кемирет (Токтогул).

Сүлгү, суу жоолук, кол аарчы. Белен турган ак баржак суулукту алып сүртүнүп, кургандым (Убукеев).

1. диал. Жаанда кийүүчү суу өткөрбөс кийим. 2. Тапка үйрөтүлүп жаткан куш, бүркүткө ак жем менен бирге берилүүчү суюгу. Тапкан келиш үчүн да суулук берет.